Jack Armitage - listen to all songs

Ætlunin var að skrifa um mig og þig, semsagt um okkur. Ég ætlaði að færa mig nær þér og þig nær mér, okkur nær okkur.

Ég hélt að leiðin til að færa mig nær þér, væri að hugsa um muninn á okkur og hinum, en það reyndist ekki vera rétt.

Það var óumflýjanlegt að komast að öðru. Get sagt þér barnalega sögu svo þú skiljir mig betur, í næsta húsi við mig þegar

ég var lítil, bjó stelpa sem var algjör geimvera, óþægileg. Ég vildi ekkert með hana hafa og mig langaði ekki að við ættum

eitthvað sameiginlegt því hún var svona viðundur. Fjölskyldan hennar flutti til útlanda og ég sá hana aldrei framar, ég var

fegin þá en málið er að hún skildi eitthvað eftir innra með mér. Það var nýtt líffæri sem stækkaði í fjarlægðinni, eins og

dökkur ávöxtur, eitthvað þrútið sem gaf frá sér ilm og fyrirheit, loforð um líf en hótun um rotnun ef það gleymdist, ég

get ekki lýst því öðruvísi. Það kemur fyrir þegar ég tala um hana að ég segi ósjálfrátt við en ekki hún. Þannig komst ég

að því að skilin milli mín og hinna, okkar og þeirra, eru tilbúningur. Það eru engin þau eða hin bara við, ég og þú og við.

Einu eftirlifendurnir í rauninni.